विराटनगर । प्रेस सेन्टर नेपालको १८ औं स्थापना दिवसको अवसरमा मोरङ शाखाले ३ हजार पिस मास्क वितरण गरेको छ । विराटनगरस्थित मानव सेवा आश्रम र पूर्वाञ्चल बाल आश्रम सेवालाई प्रेस सेन्टरले स्वास्थ्य सामाग्री वितरण गरेको हो ।
Advertisement
पूर्वाञ्चल बालआश्रममा एक हजार ५ सय मास्क र सेनिटाइजर तथा मानव सेवा आश्रमलाई एक हजार ५ सय मास्क वितरण गरिएको प्रेस सेन्टर मोरङका सचिव हरि अधिकारीले जानकारी दिए ।
प्रेस सेन्टर प्रदेश १ का बरिष्ठ उपाध्यक्ष नवराज कट्टेल र मोरङका अध्यक्ष अर्जुनकुमार आचार्यले मास्क तथा सेनिटाइजर हस्तान्तरण गरेका छन् ।
पूर्वाञ्चल बाल आश्रममा ८० जना आश्रित बालबालिका छन् । यसैगरी मानव सेवा आश्रममा पनि ८० जना असाहय नागरिकलाई संरक्षण गरेर राखिएको छ ।
