धनकुटा । सहिदभूमि गाउँपालिका वडा नं.–१, का वडा सदस्य बलराम राईले छिन्ताङ्ग धाप स्वास्थ्य चौकीलाई अक्सिजन सिलिण्डर प्रदान गरेका छन् । वडा सदस्य राईले स्व.श्रीमती नेत्रसरीको नामबाट स्वास्थ्य चौकीलाई सिलिण्डर प्रदान गरेका हुन् ।
Advertisement
उनले स्वास्थ्य चौकीका प्रमुख सुमित रामलाई सिलिण्डर हस्तान्तरण गरेका छन् । आपतकालिन समयमा अक्सिजन आवश्यक पर्ने बिरामीहरुलाई सहजताका लागि अक्सिजन सिलिण्डर प्रदान गरेको वडा सदस्य राईले बताए ।
कोरोना संक्रमण बढ्दै गएको अवस्थामा गाउँको स्वास्थ्य चौकीमा अक्सिजन सिलिण्डरसमेत नभएकाले सिलिण्डर प्रदान गरेको राईको भनाई छ ।
