संगालोखबर सम्वाददाता 
काठमाडौं । काठमाडौंको सिनामंगलस्थित काठमाडौं मेडिकल कलेजले बिहिबार काठमाडौंको कोटेश्वरमा निःशुल्क स्वास्थ्य शिविर सञ्चालन गरेको छ । महिला वालवालिका तथा उत्थान केन्द्रसँग सहकार्य गरेर केएमसीले काठमाडौं महानगरपालिका–३२ स्थित कोटेश्वरमा एक दिने स्वास्थ्य शिविर सञ्चालन गरेको हो ।
Advertisement
शिविरमा ९ सय ६३ विरामीको निःशुल्क स्वास्थ्य परीक्षण गरिएको केएमसीका जेनेरल मेनेजर नारायण दाहालले जानकारी दिए । उनका अनुसार ८५ जनाको इसीजी, १९८ जनाको रक्त परीक्षण र १११ जनाको भिडियो एक्सरे गरिएको छ ।
त्यस्तै, दाँतमा समस्या भएर आएका २२ जनाको दाँत उखेलिएको छ भने ४३ जना विरामीलाई अप्रेशनका लागि अस्पताल रेफर गरिएको आयोजकले जनाएको छ ।
