धनकुटा, १९ साउन । धनकुटाको साँगुरीगढी गाउँपालिका–६ स्थित कार्कीछापमा आज दिउँसो ‘म्याजिक भ्यान’ दुर्घटना हुँदा चालक घाइते भएका छन ।
धरानबाट धनकुटा तर्फ आउँदै गरेको गरेको को १ च ८४८५ नम्बरको भ्यान ब्रेक फेल भएर पल्टिएको हो ।
Advertisement
दुर्घटनामा परी भ्यान चालक मोरङ कटहरी गाउँपालिका–४ का ३० बर्षीय चन्दन कामत घाइते भएको जिल्ला ट्राफिक प्रहरी प्रमुख सुरेन्द्र खड्काले जानकारी दिए ।
घाईतेलाई उपचारका लागि धरान स्थित वीपी कोइराला स्वास्थ्य बिज्ञान प्रतिष्ठान लगिएको छ । पेटमा चोट लागेर घाइते भएका चालक कामतको अवस्था गंभीर रहेको दुर्घटना स्थल पुगेका भेडेटारका ट्राफिक प्रहरी सूर्य शिवाकोटीले जानकारी दिए ।
