म्याग्दीमा जीप दुर्घटना हुँदा वडा सदस्यसहित चार जनाको मृत्यु

म्याग्दी । म्याग्दीमा जीप दुर्घटना हुँदा वडा सदस्यसहित चार जनाको मृत्यु भएको छ । तीन जना घाइते भएका छन् । म्याग्दी सदरमुकाम बेनीबाट रघुगंगा गाउँपालिका–१ बेग गाउँ जाँदै गरेको ग १ ज ७२५१ नम्बरको जीप सोमबार साँझ दुर्घटना भएको हो ।

Advertisement

दुर्घटनामा रघुगंगा गाउँपालिका–१ की वडा सदस्य गौमाया विक, जीप चालक दुतबहादुर थापा, खिमु पुन र खिमानन्द शर्माको मृत्यु भएको प्रहरीले जनाएको छ ।

दुर्घटनामा बलबहादुर विक, मनोज पुन, भीम फगामी र ज्ञानबहादुर शेरपुञ्जा घाइते भएका छन् । उनीहररूलाई उपचारका लागि मणिपाल शिक्षण अस्पताल पोखरा पठाइएको छ ।