जनकपुरधाम । पाँच बर्षीया बालिकालाई यौन शोषण गरेको आरोपमा जनकपुरधामको जनक हजारी संस्कृत विद्यापीठका उपप्राध्यापक कपिलदेव मण्डल पक्राउ परेका छन् । जनकपुरधाम–८ की वालिकालाई यौन शोषण गरेको आरोपमा स्थानीय ५१ बर्षीय उपप्राध्यापक मण्डललालाई प्रहरीले पक्राउ गरेको हो ।
जिल्ला प्रहरी कार्यालय धनुषामा पीडित वालिकाका अभिभावकले किटानी जाहेरी दिएपछि मण्डललाई प्रहरीले पक्राउ गरेको हो । गणेश पूजाको मौका छोपेर उपप्राध्यापक मण्डलले छोरीमाथि यौन शोषण गरेको पीडित वालिकाका अभिभावकले बताएका छन् । बालिकाको यौनाङ्गमा घाउ देखिएपछि सोधपुछ गर्ने क्रममा घटनाको रहस्य खुलेको हो ।
Advertisement
प्रहरीले शुक्रबार पीडित बालिकाको स्वास्थ्य परीक्षण गराएको छ । मण्डलविरुद्ध बाल यौन दुव्यर्वहार सम्बन्धि मुद्दा दायर गरेर कारबाही प्रकृया अघि बढाइने जिल्ला प्रहरी कार्यालय धनुषाले जनाएको छ ।
