संगालोखबर सम्वाददाता 
संखुवासभा । संखुवासभाको चिचिला गाउँपालिका ३ स्थित निर्माणाधिन अरुण तेस्रो जलबिधुत आयोजना पुखुवामा टिपर दुर्घटना हुँदा एक जनाको मृत्यु भएको छ । एक जना घाइते भएका छन् ।
Advertisement
टिपरबाट ढुंगा अनलोड गर्ने क्रममा वुधवार राती करिब ९ बजे पाथिभरा कन्ट्रक्सनको बा.५ ख १४० नम्बरको टिफर भीरबाट खसेको हो । दुर्घटनामा परी धनकुटाको पाख्रीवास बजारका २२ बर्षीय दिपेश भट्टराईको मृत्यु भएको हो । उनी सोही टिपरमा काम गर्दै आएका थिए । दुर्घटनामा टिपर चालक काभ्रेपलान्चोकको भकुण्ढेबेसीका २० बर्षीय नवराज श्रेष्ठ घाइते भएका छन् ।
ढुंगा अनलोड गर्ने क्रममा पछाडि सार्दा अनियन्त्रित भई भीरबाट करिब ३ सय मिटर तल अरुण नदीको बगरमा टिपर खसेको प्रहरीले जनाएको छ । घटनाको जानकारी पाएपछि अस्थाई प्रहरी बेश पुखुवा दोभानबाट प्रहरी टोली घटनास्थल गएर घाइतेको उद्धार गरी उपचारका लागि जिल्ला अस्पताल खाँदबारी लगिएको छ ।
मृतकको शवलाई पनि पोष्टमार्टमका लागि जिल्ला अस्पताल लगिएको जिल्ला प्रहरी कार्यालय संखुवासभाले जनाएको छ ।
