उदयपुर । उदयपुरको उदयपुरगढी गाउँपालिका–३ चप्लेटीस्थित भित्रि सडकखण्डमा बोलेरो पिकअप दुर्घटना हुँदा एक जना घाइते भएका छन् । खाद्यान्न बोकेर कटारीबाट ताप्ती–२ लेखगाउँतर्फ जाँदै गरेको बा १३ च ५६४८ नम्बरको बोलेरो पिकअप गएराती दुर्घटना भएको हो ।
Advertisement
दुर्घटनामा परी ताप्ती गाउँपालिका–२ का आकाश राई गंभीर घाइते भएका छन् । पिकअप अनियत्रन्त्रत भई सडकबाट करिव सय मिटर तल खस्दा राई गंभीर घाइते भएका हुन् ।
उनलाई कटारी अस्पतालमा सामान्य उपचार गरेर थप उपचारका लागि काठमाडौं पठाइएको जिल्ला प्रहरी कार्यालय उदयपुरले जनाएको छ । दुर्घटनाबाट पिकअप पूर्ण रुपमा क्षति भएको छ ।
