धनकुटा । धनकुटाका थप एक कोरोना संक्रमित महिलाको मृत्यु भएको छ । धरानस्थित वीपी कोइराला स्वास्थ्य विज्ञान प्रतिष्ठानमा उपचारका क्रममा शहिदभूमि गाउँपालिका–५ का ६२ बर्षीया कोरोना संक्रमित महिलाको मृत्यु भएको हो ।
उनमा जेठ १२ गते कोरोना संक्रमण पुष्टि भएको थियो । संक्रमण देखिएपछि १३ गते उनी उपचारका लागि प्रतिष्ठानको कोभिड अस्पतालमा भर्ना भएकी थिइन् । उपचारकै क्रममा गएराती सवा ८ बजे उनको मृत्यु भएको प्रतिष्ठानका सह–प्रवक्ता चुरामणी पोखरेलले जानकारी दिए ।