सिधुवा (धनकुटा) । धनकुटाको सिधुवा स्थित सिंहदेवी युथ क्लवले तेह्रथुमको लालिगुँरास नगरपालिकामा सञ्चालित खुल्ला फुटवल प्रतियोगिताको उपाधी हात पारेको छ ।
लालिगुँरास नगरपालिका स्थित चित्रेमा भएको खेलमा ट्राइवेकर मार्फत रियल लसुने क्लवलाई ५–४ गोल अन्तरले हराउँदै सिंहदेवी क्लवले उपाधी जितेको हो ।
Advertisement
खेलको २० औं मिनेटमा सांङे सेर्पाले गोल गर्दै सिंहदेवीका लागि गोलको खाता खोलेका थिए । ५९ औं मिनेटमा रियल लसुनेका खेलाडीले गोल फर्काएपछि खेलमा १–१ को वरावरी भयो ।
निर्धारित ९० मिनेटको खेलमा १–१ को वरावरी कायम रहेपछि खेल ट्राइवेकरमा गएको थियो । ट्राइवेकरमा रियल लसुने क्लवलाई ५–४ गोल अन्तरले पराजित गर्दै सिंहदेवीले उपाधी माथि कब्जा जमाएको हो ।
उपाधीसँगै सिंहदेवीले २५ हजार नगदसहित रनिङ्ग सिल्ड पाएको छ भने उप–विजेता रियल लसुने क्लवले १० हजार नगद र प्रमाणपत्रमा चित्त बुझाएको छ ।
साउने संग्रान्तिको अवसर पारेर कन्चनजंघा युवा क्लव चित्रेले प्रतियोगिता आयोजना गरेको हो । ७ दिनसम्म सञ्चालित प्रतियोगितामा उपाधीका लागि ३२ टिम वीच खेल भएको आयोजकले जनाएको छ ।
