काठमाडौं । सरकारले बृद्धभत्ता बढाएको छ । ज्येष्ठ नागरिकको मासिक भत्ता बढाएर ४ हजार पुर्याइएको हो । आगामी आर्थिक बर्ष २०७८/०८९ को बजेट शनिवार सार्वजनिक गर्दै अर्थमन्त्री विष्णु पौडेलले भत्ता बृद्धी गरिएको जानकारी दिएका हुन् ।
Advertisement
सरकारले सबै प्रकारका सामाजिक सुरक्षा भत्ता ३३ प्रतिशत वृद्धि गरेको छ । सामाजिक सुरक्षाका लागि १ खर्ब बजेट विनियोजन गरिएको अर्थमन्त्री पौडेलले बताए । बृद्धी भएको भत्ता साउन १ गतेबाट कार्यान्वयन हुँनेछ ।
यसअघि आर्थिक वर्ष २०७६/७७ बाट वृद्धभत्ता ३ हजार पुर्याईएको थियो । तत्कालिन एमाले नेतृत्वको सरकारका अर्थमन्त्री भरतमोहन अधिकारीले वृद्धभत्ता दिन सुरु गरेका हुन् । त्यसयता एमाले नेतृत्वको सरकारले बृद्धभत्तालाई प्राथमिकतामा राख्दै आएको छ ।
अहिले ७० वर्ष उमेर पुगेका वृद्धवृद्धाले मासिक भत्ता पाउँदै आएका छन् ।
