संगालोखबर सम्वाददाता 
विराटनगर । चीनले नेपाललाई १८ हजार अक्सिजन सिलिण्डर सहयोग स्वरुप प्रदान गरेको छ । नेपाल सरकारको पहलमा चीन सरकारले अक्सिजन सिलिण्डर प्रदान गरेको हो । सहयोग स्वरुप प्राप्त भएका सिलिण्डर नेपाल ल्याइदैछ ।
Advertisement
चीनले पठाएको सिलिण्डर आइतवार तातोपानी नाका आइपुगेको उपप्रधानमन्त्री इश्वर पोख्रेलका प्रेस सल्लाहकार गणेश पाण्डेले जनाएका छन् । उनका अनुसार केही दिन भित्रै अक्सिजन सिलिण्डर काठमाडौं ल्याउँने तयारी भइरहेको छ ।
नेपालमा कोरोना संक्रमित बढेर अक्सिजन सिलिण्डर अभाव भइरहेका बेला चीनले ठूलो संख्यामा अक्सिजन सिलिण्डर सहयोग गरेको हो ।
