धनकुटा, ६ साउन । धनकुटाका सातवटै स्थानीय तहमा निर्वाचित जनप्रतिनिधिहरुलाई रेडियो मकालु धनकुटाले शुक्रबार कार्यक्रम आयोजना गरी बधाई तथा सफल कार्यकालको शुभकामना दिएको छ ।
डाँडागाउँ स्थित रेडियो मकालुको हलमा कार्यक्रम आयोजना गरी जनप्रतिनिधिलाई बधाई ज्ञापन गर्दै कार्यकाल सफलताको शुभकामना दिईएको हो ।
Advertisement
कार्यक्रममा सामुदायिक रेडियो प्रशारक संघका केन्द्रिय उपाध्यक्ष अर्जुन राई, रेडियो मकालु सञ्चालक समितिका अध्यक्ष सोविस चेम्जोङ्ग, उपाध्यक्ष लोकेन्द्र खड्का, स्टेशन मेनेजर नैन विश्वकर्मा लगायतले निर्वाचित जनप्रतिनिधिहरुलाई बधाई तथा शुभकामना दिएका थिए ।
कार्यक्रममा महालक्ष्मी नगरपालिकाका प्रमुख पर्शुराम नेपाल, धनकुटा नगरपालिकाका उपप्रमुख शकुन्तला वस्नेत, खाल्सा छिन्ताङ्ग शहिदभुमि गाउँपालिकाका अध्यक्ष मनोज राई, चौविसे गाउँपालिकाका उपाध्यक्ष यज्ञकुमारी रुचाल लगायतले चुनाव अघि जनतासामु गरेका प्रतिवद्धता पुरा गर्ने वताएका छन् ।
आम नागरिकका समस्या उजागर गर्न तथा स्थानीय तह मार्फत हुने कार्यहरुको प्रचारप्रसारमा सञ्चार माध्यमको महत्वपूर्ण भूमिका हुनेमा जनप्रतिनिधिहरुले जोड दिए । कार्यक्रममा धनकुटाका तीन नगरपालिका र चार वटै गाउँपालिकाका प्रमुख/उपप्रमुख सहभागि थिए ।
