- हेमचन्द्र दाहाल
हेमचन्द्र दाहाल, चौबिसे गाउँपालिका-३ कुरुले (हाल काठमाडौं)

नौ महिना गर्भमा राखी
कयौं दु:ख र पीडा
सहझै स्विकार्ने
ती मेरी आमा हुन् नारी
रजस्वलाको कयौं
कष्टलाई हर्षमा
बदल्ने जिउदो
भगवान हुन् नारी।

प्रत्येक पल्ट आमा बन्दा
आफ्नो जीवनलाई
मृत्युको मुखमा पुर्‍याउने
महान योद्धा हुन् नारी
आफू भोक र तिर्खा सहेर
नखाई नखाई
अरुलाई खुवाउने
मेरी आमा हुन् नारी।

Advertisement

पुरुषप्रधान देशको
हरेक यातना सहने
शाहसी व्यक्ति हुन् नारी
घर धन्दादेखि
मेलापातसम्म
कोक्राको बच्चादेखि
बिछ्याउनाकाबृद्ध
बा, आमासम्म
हेर्न सक्ने भगवान हुन् नारी।

भान्साको चुलोदेखि
गाई गोठको भकारोसम्म
पँधेरीको पानीदेखि
जुठेल्नुको भाडासम्म
पारी वनको घाँस दाउरादेखि
अध्यारो रातमा ढिकी जाँतोसम्म
सबै-सबैतिर पुग्न सक्ने
जिउदो भगवान हुन् नारी।

बुढेसकाल हुँदै गएपछि
बृद्धाश्रमसम्म पुग्ने
त्यति मात्र नभएर
बोक्सीको आरोपमा
निर्घात दण्ड सहने
साँच्चिकै जिउदो भगवान हुन् नारी !
सबै-सबै नारीहरुमा नारी दिवसको
लाखौं लाख शुभकामना!
अरबौ अरब शुभकामना!

Please Subscribe to Sangalo Khabar Youtube Channel.
Advertisement

तपाईको प्रतिक्रिया

error: Content is protected !!