सिरहा । सिरहाको मिर्चैया नगरपालिका–७ स्थित सामुदायिक वन क्षेत्रमा कुहिएको अवस्थामा बिहिबार बिहान एक महिलाको शव फेला परेको छ ।
हरियो सामुदायिक वनमा कुहिएको अवस्थामा करीब ३० वर्षीया महिलाको शव फेला परेको जिल्ला प्रहरी कार्यालय सिरहाले जनाएको छ ।
Advertisement
रातो कुर्ता, हरियो सुरुवाल, खुट्टामा पाउजु लगाएकी महिलाको शव भेटिएको हो । शवको पहिचान खुल्न सकेको छैन । स्थानीय गोठालाले जङ्गलमा शव देखेपछि प्रहरीलाई खबर गरेका थिए ।
घटनाको जानकारी पाएपछि पुगेको प्रहरीले शवको मुचुल्का गरी पोष्टमार्टमका लागि लहानस्थित अस्पतालमा शव ल्याएको छ ।
