धनकुटा । धनकुटाको महालक्ष्मी नगरपालिकामा निःशुल्क आँखा जाँच शिविर हुँने भएको छ । रामप्रसाद पोख्रेल आँखा अस्पताल धनकुटासँग सहकार्य गरेर महालक्ष्मी नगरपालिकाले आँखा जाँच शिविर गर्न लागेको हो । फागुन १४ गतेदेखि २५ गतेसम्म बिभिन्न वडामा फरक–फरक दिन शिविर सञ्चालन हुँनेछ ।
फागुन १४ गते वडा नं. १, १५ गते वडा नं. २, १६ गते वडा नं. ५, १७ गते वडा नं. ६, १८ गते वडा नं.७, १९ गते वडा नं. ८, २० गते वडा नं. ९, २२ गते वडा नं. ३ र २३ गते वडा नं. ४ मा शिविर हुँने नगरपालिकाले जनाएको छ ।
Advertisement
हरेक वडामा आँखा जाँच गर्ने र मोतियाबिन्दु भएकाहरुलाई फागुन २४ र २५ गते महालक्ष्मी आधारभूत अस्पताल जितपुरमा मोतियाविन्दुको निःशुल्क अप्रेशन गरिने महालक्ष्मी नगरपालिकाका मेयर पर्शुराम नेपालले जानकारी दिए ।
