- हेमचन्द्र दाहाल
हेमचन्द्र दाहाल, चौबिसे गाउँपालिका-३ कुरुले (हाल काठमाडौं)

लकडाउनको त्यो लामो समय
अनि गुमेको रोजगारी
खाली खल्ती र भोको पेटमा
लात हान्ने कस्तो प्रजातन्त्र
ल्यायौ र सरकार।

जनता मरिरहेको बेला
औषधिमा भ्रष्टाचार गर्ने
सीमा पारी रोइरहेका जनताको
वास्ता नगर्ने आखिर कस्तो
प्रजातन्त्र ल्यायौ र सरकार।

Advertisement

भोक लाग्यो भन्दा खान दिने
घर बाहिर निस्किन हुन्न भनी
चेतना जगाउने
अनि घर-घरमा अन्न पुर्याउने
अभियान्ताबाट कमिसन नपाउदा
यस्तो काम गर्न हुन्न भनी
बन्द गराउने
आखिर कस्तो
प्रजातन्त्र ल्यायौ र सरकार।

मैले पढेको प्रजातन्त्रमा त
आधारभूत आवश्यकता
अनि स्वतन्त्र आवाज हुन्छ, थियो
कि च्यातियोस
ती संविधानका पानाहरु
कि परिवर्तन गर
प्रजातन्त्रको नाममा निरङ्कुश
तिम्रा ती व्यवहारहरु।

Please Subscribe to Sangalo Khabar Youtube Channel.
Advertisement

तपाईको प्रतिक्रिया

error: Content is protected !!