धनकुटामा गृहमन्त्रीलाई देखाइयो कालो झण्डा

धनकुटा । गृहमन्त्री रामबहादुर थापा ‘बादल’ लाई शनिवार धनकुटामा कालो झण्डा देखाइएको छ । नेकपा जिल्ला कमिटी धनकुटाको केपी ओली समूहले आयोजना गरेको कार्यकर्ता भेलालाई संवोधनका लागि धनकुटा आएका गृहमन्त्री थापालाई नेपाली काँग्रेस निकट नेपाल विद्यार्थी संघले कालो झण्डा देखाएको हो ।

हेलिकप्टरमार्फत नेपाली सेनाको सल्लेरी व्यारेकमा उत्रिएर त्रिवेणी स्कूलस्थित कार्यक्रम स्थलतर्फ जाँदै गर्दा भीमनारायण चौक नजिक विद्यार्थीहरुले कालो झण्डा देखाएर प्रदर्शन गरेका हुन् । कडा सुरक्षाकावीच आउँदै गर्दा कालो झण्डा देखाउँदै विद्यार्थीहरुले गृहमन्त्री थापाविरुद्ध प्रदर्शन गरेका थिए ।

प्रधानमन्त्री ओलीले असंवैधानिक रुपमा संसद् विघटन गरेकाले त्यसको विरोधमा ओली सरकारका गृहमन्त्रीलाई कालो झण्डा देखाइएको नेवी संघका जिल्ला सभापति बालानन्द दाहालले संगालोखबरलाई जानकारी दिए ।

भिडियो हेर्नुहोस्…