काठमाडौं । राष्ट्रिय सभाको हिउँदे अधिवेशन आइतवार सकिएको छ । पुस १७ गतेबाट सुरु भएको अधिवेशन १० दिनको अवधिमा ४ पटक बैठक बसेर सकिएको हो । राष्ट्रपतिबाट जारी गरिएका ७ वटा अध्यादेश यसअवधिमा राष्ट्रियसभामा पेस भएका छन् ।
Advertisement
अधिवेशन आह्वान र अन्त्य सरकारको सिफारिसमा राष्ट्रपतिले गर्ने प्रावधान भएकाले मन्त्रिपरिषद्को आइतबारको बैठकले अधिवेशन अन्त्य गर्न राष्ट्रपतिसमक्ष सिफारिस गरेको थियो । सोही बमोजिम राष्ट्रपति भण्डारीले अधिवेशन अन्त्य सम्बन्धी पत्र राष्ट्रिसभामा पठाएकी थिइन् ।
राष्ट्रपति भण्डारीले पठाएको अधिवेशन अन्त्य सम्बन्धी पत्र राष्ट्रिसभा बैठकमा वाचन गरेर सुनाइएको थियो ।
