- संगालोखबर सम्वाददाता
रकम हस्तान्तरण गरिंदै । तस्वीर: विष्णु दाहाल

धनकुटा । धनकुटाको महालक्ष्मी नगरपालिकाले कोरोना संक्रमित भई आइसीयूमा उपचार गराएकी एक महिलाको परिवारलाई आर्थिक सहयोग गरेको छ । महालक्ष्मी–४ चानुवाकी कोरोना संक्रमित ४५ बर्षीया इन्द्रकुमारी विश्वकर्माको परिवारलाई उपचार सहायता स्वरुप २५ हजार प्रदान गरिएको हो ।

दमारस्थित चानुवा माध्यमिक विद्यालयको बार्षिकोत्सवका अवसरमा शनिवार आयोजित कार्यक्रममा महालक्ष्मी नगरपालिकाका प्रमुख पर्शुराम नेपाल र उपप्रमुख मञ्जु कार्कीले इन्द्रकुमारीका श्रीमान गोविन्दलाई रकम हस्तान्तरण गरेका हुन् । रुखबाट लडेर गंभीर घाइते भई उपचारका लागि विराटनगरस्थित नोबेल अस्पताल पुर्याइएकी विश्वकर्मामा गत कात्तिक २३ गते कोरोना संक्रमण पुष्टि भएको थियो । गंभीर अवस्थाकी उनलाई नोबेलको आईसीयूमा राखेर उपचार गरिएको थियो । उपचारकै क्रममा कात्तिक २७ गते उनको मृत्यु भयो ।

Advertisement

यसअघि कात्तिक १९ गते बसेको नगर कार्यपालिकाको बैठकले कोरोना संक्रमित भई आईसीयूमा उपचार गराउँनुपर्ने गंभीर अवस्थाका संक्रमितलाई २५ हजारसम्म उपचार सहायता रकम प्रदान गर्ने निर्णय गरेको थियो । सोही निर्णय बमोजिम पहिलो पटक उपचार सहायता रकम प्रदान गरिएको नगर प्रमुख नेपालले बताए । आइसीयूमा उपचार गराउँनु पर्ने नगर क्षेत्रका अन्य संक्रमितलाई पनि उपचार सहायता रकम प्रदान गरिने नगर प्रमुख नेपालले जानकारी दिए ।

यो पनि…

धनकुटाको महालक्ष्मी नगरले कोरोना संक्रमितलाई २५ हजारसम्म उपचार खर्च दिने

 

धनकुटामा रुखबाट लडेर घाइते भएकी महिलामा कोरोना संक्रमण, उपचारका क्रममा मृत्यु

Please Subscribe to Sangalo Khabar Youtube Channel.
Advertisement

तपाईको प्रतिक्रिया

error: Content is protected !!