धनकुटा । धनकुटाको भीरगाउँस्थित धर्मोदय प्राथमिक विद्यालयका विद्यार्थीहरुलाई न्यानो कपडा वितरण गरिएको छ । देबेनारा समूह विराटनगरको सहयोगमा वीपी कोइराला सोसिलिष्ट इन्टरनेस्नल नेपाल र केयर वोमन नेपालले ६९ छात्रछात्रालाई कपडा वितरण गरेको हो ।
Advertisement
कार्यक्रममा संस्थाका अध्यक्ष इन्दिरा थापाले विद्यार्थीहरुलाई सुइटर, टोपी लगायत सामाग्री वितरण गरेकी छन् । कार्यक्रममा बोल्दै अध्यक्ष थापाले विद्यालयको शैक्षिक गुणस्तर बृद्धि गर्न विभिन्न कार्यक्रम ल्याउने प्रतिबद्धतासमेत व्यक्त गरिन् । समाजसेवी द्रोणप्रसाद गुरागाईँले यस्तो सहयोगले विद्यार्थीहरुमा पढाईप्रति थप हौसला प्राप्त हुने धारणा राखे ।
कार्यक्रममा विद्यालयका प्रधानाध्यापक ठगेन्द्र प्रसाद गुरागाँईले सहयोगी संस्थालाई विद्यार्थीको शैक्षिक गुणस्तर बृद्धि र भौतिक पूर्वाधार विकासमासमेत सहयोग गर्न आग्रह गरेका छन् ।
