बिराटनगर । कोरोना महामारीका कारण नौं महिना अघिदेखि बन्द रहेका देशभरका फिल्म हल शुक्रबारबाट खुल्ने भएका छन् । हल सञ्चालकहरूको छाता संगठन नेपाल चलचित्र संघले फिल्म हल खोल्ने निर्णय गरेको हो । तर, सरकारले भने हल सञ्चालनको अनुमति दिएको छैन ।
Advertisement
लकडाउन अन्त्य भएपछि सरकारले सबै क्षेत्र खोलिसकेको भएपनि अन्याय र बिभेदपूर्ण तरिकाले फिल्म हल खोल्न रोक लगाईएकाले स्वास्थ्य मापदण्ड अपनाएर एकतर्फी रुपमा हल खोल्न लागिएको संघले जनाएको छ ।
चलचित्र विकास बोर्डले पनि हल सञ्चालनका लागि सरकारलाई पटक–पटक प्रस्ताव गरेको थियो । तर, सरकारले माग सुनुवाईमा ढिलाई गरेको भन्दै देशभरका हलहरु एकतर्फी रुपमा खोल्न लागिएको हो ।
