धनकुटा । धनकुटाको छथर जोरपाटी गाउँपालिका–६ स्थित सिधुवा बजारमा ५ शैयाको अस्पताल निर्माण हुँने भएको छ । मुलुकका ३९६ स्थानीय तहमा अस्पताल निर्माण गर्ने सरकारी योजना अनुसार छथर जोरपाटी गाउँपालिका क्षेत्रका लागि सिधुवामा अस्पताल निर्माण गर्न लागिएको हो ।
सोमबार संघीय सांसद राजेन्द्र राईले अस्पताल भवनको सिलान्यास गरेका छन् । कार्यक्रममा बोल्दै सांसद राईले गाउँ–गाउँमा अस्पताल निर्माण गर्ने सरकारको दुरगामी योजनाले ग्रामीण भेगका जनतालाई धेरै फाईदा पुग्ने धारणा राखे । छथर जोरपाटी गाउँपालिका अध्यक्ष शेरबहादुर लिम्बूले २ वर्षभित्र भवन निर्माण सम्पन्न गरी अस्पताल सञ्चालन गर्ने बताए ।
Advertisement
अस्पताल निर्माणका लागि ५ रोपनी भन्दा बढी जग्गा निःशुल्क उपलब्ध गराउने खड्ग कुमारी, मनमाया, गजेन्द्र, गणेश र सन्तोष श्रेष्ठलाई सोही कार्यक्रममा खादा ओढाएर सम्मानसमेत गरिएको छ ।
