दमौली। भैरहवाबाट काठमाण्डौं तर्फ जाँदै गरेको ना ६ ख २४८० नम्बरको बस आज बिहान व्यास नगरपालिका वडा नं १२ कमलबारीमा दुर्घटना भएको छ ।
नारायणगढ मुग्लिङ सडक खण्ड अवरुद्ध भएसंगै उक्त बस बुटवल देखी पोखरा हुँदै काठमाण्डौंका लागि हिडेको थियो ।
Advertisement
उक्त सडकखण्ड बाट काठमाडौ सम्मको यात्रा लामो हुने भएपनि जाममा बस्न नपरोस् भनेर सो बस पोखरा हुँदै काठमाडौं जान लागेको थियो ।
बसको अगाडि भाग नालामा खस्दा उक्त दुर्घटना हुन पुगेको हो । दुर्घटनामा कुनै मानवीय क्षति नभएको जिल्ला प्रहरी कार्यालय तनहुँले जनाएको छ । व्यस्त पृथ्वी राजमार्गमा उक्त दुर्घटना हुँदा केहीबेर अवरुद्ध हुन पुगेको थियो ।
