- लक्ष्मी पोखरेल

मेरो खुशी
फूल जस्तै फलाउन
तिमी हाँगा भएर फैलिरह्यौ
अधेरोमा आफैलाई सल्काउँदै
मलाई सधै उजेलोमै राखिरह्यौ
हरेक रात
तिमीले भन्ने गरेका बीररसका कथाहरु
सुन्दै निदाए र सपनाभरी
साहसिक युद्ध लडिरहे
ए आमा
तिमीलाई गुमाएपछी
यतिबेला
सम्झनाको बाढीसँगै बगेको छु
तिम्रा दिव्य सन्देश जस्ता
ती नीतिकथाहरुलाई
सिरान हालेर
निदाउने गरेको छु ।

सत्य, तथ्य र निष्पक्ष खबरका लागि संगालोखबरको फेसबुक पेज लाइक गर्नुहोस्
Please Subscribe to Sangalo Khabar Youtube Channel.

तपाईको प्रतिक्रिया

error: Content is protected !!