काठमाडौं । सुनको भाउले आज पनि नयाँ रेकर्ड कायम गरेको छ । सोमबार तोलाको ९७ हजार ५ सय रुपैयाँमा कारोबार भएको सुनको मूल्य आज तोलामा ७ सय रुपैयाँ बढेको छ ।
लगातार उकालो लागिरहेको सुनको मूल्य आज तोलाको ९८ हजार २ सय रुपैयाँ पुगेको नेपाल सुनचाँदी व्यवसायी महासंघले जनाएको छ ।
चाँदीको मूल्य आज तोलामा ३५ रुपैयाँ बढेको छ । चाँदी तोलाको १२ सय ४५ रुपैयाँमा कारोबार भईरहेको छ । अन्तर्राष्ट्रिय बजारमा सुनको भाउ प्रति औंस १३ डलरले वृद्धि भएको छ ।