धनकुटा, १६ असार । धनकुटाको खाल्सा छिन्ताङ्ग सहीदभूमी गाउँपालिकाको अध्यक्षमा नेकपा एमालेका मनोज राई विजयी भएका छन । उनले ४ हजार ५४ मत प्राप्त गरेका छन । यता निकटतम प्रतिद्धन्द्धी नेकपा माओवादी केन्द्रका भरतसिंह राईले १ हजार ५ सय ७९ मत पाएका छन ।
Advertisement
एमालेका राई २ हजार ४ सय ७५ मतान्तरले बिजयी भएका हुन । उपाध्यक्षमा पनि एमालेकी रत्नश्वरी राई बिजयी भएकी छन । उनले ३ हजार ९ सय १६ मत पाएकी छन भने उनका निकटतम प्रतिद्धन्द्धी माओवादी केन्द्रका राम कुमारी राईले १ हजार ५ सय ३४ मत पाएकी छन । खाल्साको १ नम्बर वडाध्यक्षमा काग्रेस बिजयी भएको छ ।
त्यसबाहेक गाउँपालिकाका वाँकी ३६ वटै पदमा एमाले बिजयी भएको सहायक निर्वाचन अधिकृत इन्दिरा न्यौपानेले जानकारी दिएकी छन् । १० हजार ९ सय २८ कुल मतदाता रहेको खाल्सामा ८ हजार २६ मत खसेको थियो ।
