पर्वत । पर्वतको कुश्मा नगरपालिका–३ दुर्लुङमा पहिरोले पुर्दा पाँच जनाको मृत्यु भएको छ । चार जना बेपत्ता छन् । गएराती साँढे ९ बजे बर्षासँगै गएको पहिरोले उनीहरुलाई पुरेको हो ।
पहिरोले पुर्दा ६२ वर्षीय तुलबहादुर थापा, उनकी ५२ वर्षीया श्रीमती र १० वर्षीया नातिनीको मृत्यु भएको प्रहरीले जनाएको छ । थप दुई जनाको पनि पहिरोमा पुरिएर मृत्यु भएको छ । प्रहरीका अनुसार पहिरोमा पुरिएर मृत्यु भएका पाँच जनाको शव निकालिएको छ ।
Advertisement
बेपत्ता भएका बाँकी चार जनाको खोजी भईरहेको छ । प्रहरी र स्थानीयबासीले पहिरोमा पुरिएकाहरुको खोजि गरिरहेका छन् । मुसलधारे बर्षासँगै पहिरो खसेर पुरेकाले उनीहरुको खोजिमा समस्या भएको छ ।
