काठमाडौं । आईतबार थप २१३ जनामा कोरोना संक्रमण पुष्टि भएको छ । २०९ जना पुरुष र ४ जना महिला संक्रमित थपिएको स्वास्थ्य तथा जनसंख्या मन्त्रालयले जनाएको छ ।
योसँगै नेपालमा कोरोना संक्रमितको संख्या ३४४८ पुगेको छ । मोरङको रौतामाईका २ जना र बिराटनगर महानगरपालिकाका १ जना, उदयपुरको बेलका रामपुरको क्वारेनटाईनमा रहेका ३ जना, झापाको अर्जुनधारा शनिश्चरे क्वारेनटाईनमा रहेका २ जना र सुनसरीको ईनरुवाका २ जनामा कोरोना संक्रमण पुष्टि भएको हो ।
Advertisement
शनिवारसम्म ४६७ जना संक्रमित निको भएर अस्पतालबाट डिस्चार्ज भएका छन् । नेपालमा कोरोना संक्रमणका कारण हालसम्म १३ जनाको मृत्यु भएको स्वास्थ्य मन्त्रालयले पुष्टि गरेको छ ।
