काठमाडौं । नेपाललाई बेलायत सरकारले डेढ अर्ब आर्थिक सहयोग गरेको छ । कोरोना भाइरसको महामारी नियन्त्रणका लागि बेलायतले १ करोड पाउण्ड स्ट्रलिङ अर्थात नेपाली रुपैयाँ एक अर्ब ५३ करोड २८ लाख सहयोग उपलब्ध गराएको हो ।
Advertisement
बेलायत सरकारले डिपार्टमेन्ट फर इन्टरनेशनल डेभलपमेन्ट (डिफिड) मार्फत उक्त रकम सहयोग गरेको हो । डिफिडले कोरोना संक्रमण रोकथाम र उपचारका लागि यसअघि ८२ लाख पाउण्ड दिइसकेको थियो । त्यसलाई बढाएर एक करोड पाउण्ड सहयोग पु¥याएको लण्डनस्थित नेपाली राजदूतावासले जनाएको छ ।
आफै पनि कोरोनाको महामारी सामना गरिरहेको बेलायतले नेपालसहितका विकासोन्मुख राष्ट्रहरूको सहयोगमा एक सय मिलियन पाउन्ड प्रदान गर्ने घोषणा गरेको थियो । सोही अनरुप नेपाललाई सहयोग प्राप्त भएको हो ।
बेलायत सरकारले डिफिडको माध्यमबाट हरेक वर्ष नेपाललाई ९२ मिलियन पाउन्ड अर्थात करिव १४ अर्व रुपैयाँ सहयोग गर्दै प्रदान गर्दै आएको छ ।
