काठमाडौं । कोरोना संक्रमणका कारण थप एक जनाको मृत्यु भएको पुष्टि भएको छ । सुर्खेतको पन्चपुरीका २८ बर्षीय पुरुषको कोरोना संक्रमणका कारण मृत्यु भएको स्वास्थ्य तथा जनसंख्या मन्त्रालयले पुष्टि गरेको हो ।
भारतबाट आएर उनी १४ दिन क्वारेनटाइनमा बसेका थिए । आरडीटी परीक्षण गर्दा उनको रिपोर्ट नेगेटिभ आएको थियो । तर, घर गएपछि उनको बिहिबार मृत्यु भएको हो । मृत्यु पश्चात गरिएको स्वाब परीक्षणका क्रममा उनमा कोरोना संक्रमण पुष्टि भएको स्वास्थ्य मन्त्रालयका प्रवक्ता डा.विकास देवकोटाले जानकारी दिए ।
Advertisement
योसँगै नेपालमा कोरोनाका कारण मृत्यु हुँनेको संख्या ११ पुगेको छ । नेपालमा हालसम्म २९१२ जनामा कोरोना संक्रमण पुष्टि भएको छ ।
