काठमाडौं । सोमबार दिउँसो थप ६ जनामा कोरोना संक्रमण पुष्टि भएको छ । बर्दिया, पर्सा र अछाममा संक्रमित थपिएका हुन् । बर्दियाका ३ जना, पर्साका २ जना र अछामका १ जनाका कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।
यसअघि आज बिहान ७२ जनामा संक्रमण देखिएको थियो । योसँगै नेपालमा कोरोना संक्रमितको संख्या ६८२ पुगेको छ । १११ जना संक्रमित निको भएर अस्पतालबाट डिस्र्चाज भइसकेका छन् भने कोरोना संक्रमणका कारण चार जनाको मृत्यु भएको पुष्टि भएको छ ।