काठमाडौं । शुक्रबार दिउँसो थप २० जनामा कोरोना संक्रमण पुष्टि भएको छ । मोरङ, कैलाली, बाँके, बैतडी र डडेलधुरामा संक्रमित थपिएको स्वास्थ्य तथा जनसंख्या मन्त्रालयले जनाएको छ ।
मोरङको रतुवामाईमा १ जना, कैलालीमा ३ जना, बाँकेमा १४ जना, बैतडीमा १ जना र डडेलधुरामा १ जना संक्रमित थपिएको स्वास्थ्य मन्त्रालयका प्रवक्ता डा.विकास देवकोटाले जानकारी दिए ।
योसँगै नेपालमा कोरोना संक्रमितको संख्या ५०७ पुगेको छ । हालसम्म ७० जना संक्रमित निको भएर डिस्चार्ज भएका छन् ।