काठमाडौं । कोरोना संक्रमणका कारण मृत्यु भएकी सिन्धुपाल्चोककी युवतीले जन्माएको नवजात शिशु र श्रीमानसहित परिवारका सदस्यमा पनि कोरोना संक्रमण नभएको पाईएको छ ।
Advertisement
संक्रमित सुत्केरी महिलाको मृत्यु भएपछि नवजात शिशु, श्रीमानसहित परिवारका ५ जना सदस्यको स्वाब संकलन गरी पीसीआर बिधिबाट परीक्षण गरिएको थियो ।
धुलिखेल अस्पतालको प्रयोगशालामा गरिएको परीक्षणमा नवजात शिशु, महिलाका श्रीमानसहित परिवारका पाँच सदस्यमा कोरोना संक्रमण नभएको पाईएको धुलिखेल अस्पतालले जनाएको छ । बैशाख २४ गते त्रिवी शिक्षण अस्पतालमा छोरा जन्माएकी महिलाको कोरोना संक्रमणका कारण गत बिहिबार मृत्यु भएको थियो ।
कोरोना संक्रमणका कारण मृत्यु हुँने उनी नै नेपालकी पहिलो मृतक हुन् । हालसम्म नेपालमा कोरोनाका कारण दुई जनाको मृत्यु भईसकेको छ । ३०४ जनामा संक्रमण देखिएको छ ।
