फेरि थपिए कोरोना संक्रमित, संक्रमितको संख्या २७६ पुग्यो

काठमाडौं । कपिलबस्तुका ३ जनामा शनिवार बिहान कोरोना संक्रमण पुष्टि भएको छ । प्रादेशिक जनस्वास्थ्य प्रयोगशाला भैरहवामा गरिएको परीक्षणका क्रममा कपिलबस्तु शिवराज नगरपालिका चन्द्रौटाका २५, ३४ र ४४ बर्षीय पुरुषमा संक्रमण पुष्टि भएको हो ।

Advertisement

यसअघि शनिवार बिहान राष्ट्रिय जनस्वास्थ्य प्रयोगशालामा गरिएको परीक्षणका क्रममा सिरहा, सर्लाही, बर्दिया, पर्सा र चितवनका ६ जनामा संक्रमण देखिएको हो ।

शनिवार ९ जनामा संक्रमण देखिएसँगै अब नेपालमा कोरोना संक्रमितको संख्या २७६ पुगेको स्वास्थ्य तथा जनसंख्या मन्त्रालयले जनाएको छ ।