काठमाडौं । बिहिबार साँझ थप तीन जनामा कोरोना संक्रमण पुष्टि भएको छ । राष्ट्रिय जनस्वास्थ्य प्रयोगशालामा गरिएको परीक्षणका क्रममा काठमाडौं, धनुषा र धादिङका एक/एक जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
Advertisement
काठमाडौं दहचौकका ७ बर्षीय बालक, धनुषाको जनकपुरका १७ बर्षीय युवती र धादिङका ३० बर्षीया महिलामा संक्रमण देखिएको हो । यसअघि बिहिबार बिहान दुई जना र दिउँसो एक जनामा पनि संक्रमण देखिएको थियो ।
योसँगै नेपालमा संक्रमितको संख्या २४९ पुगेको छ । बिहान २५० संक्रमित पुगेको विवरण सार्वजनिक गरेको स्वास्थ्य तथा जनसंख्या मन्त्रालयले संख्या गणनामा प्राविधिक कारणले त्रुटी भएको भन्दै सच्याएर संक्रमितको संख्या २४५ मात्र भएको जनाएको थियो । त्यसयता चार जना संक्रमित थपिएका हुन् ।
