उदयपुर, कपिलबस्तु र पर्सामा सात कोरोना संक्रमित थपिए, संक्रमितको संख्या १ सय ९ पुग्यो

काठमाडौ । शनिवार थप सात जनामा कोरोना संक्रमण पुष्टि भएको छ । राष्ट्रिय जनस्वास्थ्य प्रयोगशाला काठमाडौं र कोशी अस्पताल बिराटनगरको प्रयोगशालामा परीक्षण गर्दा उदयपुरका तीन महिला, कपिलबस्तुका तीन पुरुष र पर्साका एक पुरुषमा संक्रमण देखिएको स्वास्थ्य तथा जनसंख्या मन्त्रालयले जनाएको छ ।

उदयपुरका १८, ४५ र ६५ बर्षीया महिला, कपिलबस्तुका १८, १७ र १८ बर्षीय पुरुष र पर्साका ६२ बर्षीय बृद्धमा कोरोना संक्रमण पुष्टि भएको स्वास्थ्य तथा जनसंख्या मन्त्रालयका सह–प्रवक्ता डा.समिर कुमार अधिकारीले जनाएका छन् ।

Advertisement

योसँगै नेपालमा कोरोना संक्रमितको संख्या १ सय ९ पुगेको छ ।