धनकुटा । धनकुटाको चौबिसे गाउँपालिकाको प्रकोप व्यवस्थापन कोषमा ३१ लाख भन्दा बढी रकम जम्मा भएको छ । कोरोना भाईरसको संक्रमण रोकथाम र राहत वितरणका लागि ३१ लाख ७६ हजार ८ सय २५ रुपैयाँ कोषमा जम्मा भएको गाउँपालिकाले जनाएको छ ।
गाउँपालिकाले २० लाख ७५ हजार रकम कोषमा जम्मा गरेको छ । गाउँपालिकाका जनप्रतिनिधिहरुले १५ दिनको तलब भक्ता वरावरको २ लाख ५९ हजार रकम जम्मा गरेका छन् । त्यस्तै प्रदेश सरकारले ५ लाख रकम दिएको छ ।
Advertisement
निजी क्षेत्रबाट प्रदान गरिएको मध्ये चौबिसे–३ स्थित तमर परम कल्चर सिकाई थलोले सर्वाधिक २ लाख २० हजार रकम कोषमा जम्मा गरेको गाउँपालिका अध्यक्ष खजिन्द्र राईले जानकारी दिए ।
त्यस्तै चौबिसे ईसाई समाजले ४२ हजार, माउण्ट एभरेष्ट विनेरीले ३० हजार, जिवन विकास लघुवित्त बुधबारे शाखाले २५ हजार र जिवन विकास लघुवित्त राजारानी शाखाले २५ हजार रकम कोषमा जम्मा गरेका छन् ।
कोषमा जम्मा भएको रकमबाट गाउँपालिकाले अहिले लकडाउन प्रभावितहरुलाई राहत वितरण गरिरहेको छ ।
