उदयपुरमा १२ र चितवनमा २ जनामा कोरोना संक्रमण पुष्टि, संक्रमितको संख्या ३० पुग्यो

काठमाडौं । नेपालमा शुक्रबार एकैदिन १४ जनामा कोरोना संक्रमण देखिएको छ । उदयपुरमा १२ र चितवनमा २ जनामा कोरोना संक्रमण देखिएको स्वास्थ्य तथा जनसंख्या मन्त्रालयले पुष्टि गरेको हो । योसँगै नेपालमा कोरोना संक्रमितको संख्या ३० पुगेको छ ।

Advertisement

उदयपुरको भुल्केस्थित मस्जिदमा रहेका १६ मध्ये १२ जना पुरुषमा कोरोना पोजिटिभ देखिएको मन्त्रालयले जनाएको छ ।

यता, चितवनको राप्ती नगरपालिकाका एकै परिवारका दुई जनामा कोरोना संक्रमण भेटिएको छ । उनीहरू बेलायतबाट हङकङ हुँदै नेपाल आएका हुन् ।