कविता: नयाँ बर्षको शुभकामना

पखाली धर्तीको रोग सारा दु:ख, कष्ट शान्त हुन
चम्किरहोस मुहार सधै, लागिरहुन आकाशमा
तारा र जुन
वर्षा संगै बगुन धमिलो दागहरु, जीवन बनोस हराभरा
उब्जिउन वालिनाली लटरम्म खेतबारीका गरा

फुलुन सधै बेलि र चमेली शुवास छर्दै साथमा
पुगोस खान सबैलाइ मीठो मसिनो भागमा
फैलियोस भातृत्व शान्त, शुन्दर, सुखी बनी
नहुन कोहि दुखी रोगी नहोस हिंसा कतै पनि

Advertisement

आर्थिक विकासको रथ त्यो सबै मिलि हाक्न
नपरोस् है कहिले पनि बिदेशी लाई डाक्न
समता साथ ममता जागोस भन्ने छ चाहना
अरु के सक्छु र दिन, दिए यहीँ शुभकामना