काठमाडौं । कोरोना भाइरसका कारण गणतन्त्र कंगोका पूर्व राष्ट्रपति ज्याक्स जोकिम योम्बीको मृत्यु भएको छ । ८१ बर्षीय पूर्व राष्ट्रपति योम्बीको पेरिस अस्पतालमा उपचारका क्रममा सोमबार मृत्यु भएको अल जजिराले जनाएको छ ।
Advertisement
कंगोको डेमोक्रेसी एण्ड डेभलपमेन्ट पार्टीका संस्थापकसमेत रहेका उनले सन् १९७७ देखि १९७९ सम्म कंगोको शासन सत्ता सम्हालेका थिए ।
पूर्व राष्ट्रपति ज्याक्सका छोरालाई उद्धृत गर्दै एपीएफले जनाए अनुसार उनीमाथि कोरोना भाइरसको लक्षण देखिएपछि अस्पताल भर्ना गरिएको थियो ।
विश्वव्यापी महामारीको रुपमा फैलिएको कोरोना (कोभिड १९) को संक्रमणबाट अहिलेसम्म कंगोमा १९ जनाको मृत्यु भएको छ ।
