संगालोखबर सम्वाददाता 
काठमाडौं । नेपालमा कोरोना संक्रमितको संख्या पाँच पुगेको छ । बेल्जियमबाट आएकी बागलुङकी २२ बर्षीया युवतीमा शनिवार कोरोना भाइरस (कोभिड १९) संक्रमण पुष्टि भएको स्वास्थ्य मन्त्रालयका प्रबक्ता विकास देवकोटाले जानकारी दिए ।
Advertisement
संक्रमित किशोरी चैत ४ गते कतार एयरवेजको ‘क्यूआर ६५२’ विमानबाट नेपाल आएकी थिइन् । त्यही विमानमा आएकी १९ वर्षीया युवतीमा चैत १० गते कोरोना भाइरसको संक्रमण पुष्टि भएको छ ।
शनिवार संक्रमण पुष्टि भएकी युवती बागलुङ नगरपालिका स्थित आफ्नै घरमा थिइन् । उनको धौलागिरी अस्पतालमा नमुना संकलन गरिएको थियो ।
नमुना संकलनपछि उनलाई अस्पतालमै बस्न भनिएपनि आफ्नै घरमा बसकी थिईन् । संक्रमण पुष्टि भएपछि उनलाई अब सुरक्षित रुपमा काठमाडौं ल्याउने तयारी भइरहेको छ ।
