सुनसरी । मनाङ मर्स्याङ्दी क्लबले धरानमा सञ्चालित २२ औं बुढासुब्बा गोल्डकप फुटबलको उपाधि जितेको छ ।
धरान रंगशालामा आज भएको फाईनलमा विभागीय टोली नेपाल पुलिस क्लबलाई १–३ गोल अन्तरले पराजित गर्दै मनाङले उपाधिमाथि कब्जा जमाएको हो ।
मनाङलाई उपाधि दिलाउँन दयानन्द सिंह, विशाल लिम्बू र विमल रानाले समान एक–एक गोल गरे । पुलिसका लागि कप्तान भोला सिलवालले गोल गरेका थिए ।
उपाधिसँगै मनाङले मनाङले नगद १० लाख पाएको छ भने उपविजेता पुलिसले नगद ५ लाखमा चित्त बुझाएको छ ।