काठमाडौं । गायिका आस्था राउत धरौटीमा छुटेकी छन् । अभद्र व्यवहार सम्बन्धी कसूरमा काठमाडौंका प्रमुख जिल्ला अधिकारी जनकराज दाहालले उनलाई धरौटीमा छाड्ने आदेश गरेका हुन् ।
चार हजार धरौटी बुझाएर उनी रिहाई भएकी हुन् । अभद्र व्यवहार सम्बन्धी मुद्दामा गायिका राउतलाई प्रहरीले नियन्त्रणमा लिएको थियो ।
केहि दिन अघि त्रिभुवन अन्तराष्ट्रिय विमानस्थलमा सुरक्षा जाँचका क्रममा महिला प्रहरी रमिता श्रेष्ठ र गायिका राउतबीच भएको विवाद पश्चात उनी बिरुद्ध उजुरी परेपछि राउतलाई प्रहरीले नियन्त्रणमा लिएको थियो ।
सामान्य बिषयमा प्रहरीले दुख दिएको भन्दै सर्वत्र आलोचना भईरहेका बेला गायिका राउत धरौटीमा रिहाई भएकी हुन् ।