कपिलबस्तु । कपिलवस्तुको शुद्धोधन गाउँपालिकाका समाजवादी पार्टी अध्यक्ष रामनयन यादवमाथि गोली प्रहार भएको छ । समाजवादी पार्टीका शुद्धोधन गाउँपालिका अध्यक्ष यादवमाथि आज दिउँसो अज्ञात समूहले गोली प्रहार गरेको प्रहरीले जनाएको छ ।
गोली लागेर घाइते भएका यादवको तौलिहवास्थित जिल्ला अस्पतालमा उपचार भइरहेको छ । प्रहरीका अनुसार शुद्धोधन गाउँपालिका–५ हथिहवा निवासी यादवको कुममा गोली लागेको छ ।
मोटरसाइकलमा आएका दुईजनाले यादवमाथि गोली प्रहार गरेको बताईएको छ । उनीहरुको पहिचान हुँन वाँकी छ । गोली प्रहार गर्नेको खोजी भईरहेको प्रहरीले जनाएको छ ।