विराटनगर। नोवेल मिस नेवाः को फाइनल आज हुँदैछ । विराटनगरस्थित वीरेन्द्र सभागृहमा अपरान्ह ४ बजे सुरु हुने फाइनलमा १२ जना युवतीले उपाधिका लागि प्रतिस्पर्धा गर्नेछन् ।
नोवेल मेडिकल कलेज टाइटल स्पोन्सर रहेको प्रतियोगिताको मुख्य प्रायोजकका रमपम तयारी चाउचाउ र गुडलाइफ विस्कुट रहेका छन् ।
प्रतियोगिताको सम्पूर्ण तयारी पूरा भएको आयोजक मञ्जिना मुभिज प्रालिका सिईओ जतिन ताम्राकारले बताए । विराटनगर, इटहरी, धरान, दमकलगायतका स्थानमा भएको छनौट चरणबाट अन्तिम १२ मा पुगेका युवतीहरुलाई नेतृत्व विकासलगायतका विषयमा प्रशिक्षणसमेत दिइसकिएको छ ।
विजेतालाई स्कुटी, ५ लाख रुपैयाँ बराबरको जीवन बिमासहितका आकर्षक पुरस्कार प्रदान गरिनेछ । त्यस्तै विजेताले म्युजिक भिडियोमा अभिनय गर्ने अवसरसमेत प्राप्त गर्नेछन् । फाइनल प्रतिस्पर्धाको मकालु टेलिभिजन र विएफएमलगायतले प्रत्यक्ष प्रशारण गर्नेछन् ।