मासु पकाउन नमान्दा श्रीमतीको हत्या

प्रहरीको प्रारम्भिक अनुसन्धान अनुसार सोमबार राति करिब ९ बजेतिर कृष्ण मासु ल्याएर घरमा आएका थिए । उनले श्रीमती मिनालाई मासु पकाउन भने । तर, मिनाले नमानेपछि विवाद बढेको थियो । त्यसपछि मदिरा सेवन गरेका कृष्णले मिनाको कम्मर र ढाडमा कैँची प्रहार गरेर हत्या गरेको प्रहरीले जनाएको छ ।

कृष्णलाई पक्राउ गरेर अनुसन्धान गरिरहेको इलाका प्रहरी कार्यालय दिपायलका प्रमुख पन्तले जानकारी दिए ।