ताप्लेजुङ, ५ बैशाख । ताप्लेजुङबाट प्रहरीले १० नाल भरुवा बन्दुक बरामद गरेको छ । फक्तालुङ गाउँपालिका, आठराई त्रिवेणी गाउँपालिका र श्रीजंगा गाउँपालिकाबाट बन्दुक बरामद भएको प्रहरीले जनाएको छ ।
Advertisement
प्रहरीका अनुसार फक्तालुङ गाउँपालिका–१ सावादिन जंगलमा बेवारिशे अवस्थामा ३ नाल भरुवा बन्दुक फेला परेको छ । त्यसैगरी आठराई त्रिवेणी गाउँपालिका–१ स्थित जंगलमा लुकाएर राखिएको १ नाल, आठराई त्रिवेणी गाउँपालिका–२ फुलवारी स्थित ओडारे जंगलबाट २ नाल र श्रीजंगा गाउँपालिका–३ कुन्जरीबाट ३ नाल भरुवा बन्दुक बरामद भएको हो ।
यसैवीच सिकैचाका ४० बर्षीय तुलाराम काङबाङले लाईसेन्ससहितको १ नाल भरुवा बन्दुक प्रहरीलाई बुझाएका छन् ।
