सुनसरी, २५ चैत । सुनसरीको रामधुनी नगरपालिका–२ तित्रीवनमा आज बिहान यात्रुबाहक बस दुर्घटना हुँदा २३ जना घाइते भएका छन् । बिहान साढे ४ बजे मन्थलीबाट काकरभिट्टा जाँदै गरेको मे. १ ख. १९७९ नम्बरको बस पूर्व–पश्चिम राजमार्ग अन्तर्गत तित्रीवनमा अनियन्त्रित भएर पल्टिएको हो ।
घाईतेलाई उपचारका लागि जिल्ला अस्पताल सुनसरी र बिराटनगरको गोल्डेन अस्पताल लगिएको छ । बसमा २८ जना सवार थिए । दुर्घटना पश्चात बस चालकलाई प्रहरीले नियन्त्रणमा लिएको छ ।