संगालोखबर संवाददाता 
धनकुटा, २४ चैत । धनकुटाको सहिदभूमी गाउँपालिका–१ सफाईधाप स्थित तमोर नदीमा आईतबार अपरान्ह र्याफ्टिङ वोट दुर्घटना हुँदा एक जनाको मृत्यु भएको छ ।
Advertisement
धनकुटाको मुलघाटबाट सुनसरीको चतरा जाँदै गरेको र्याफ्टिङ अपरान्ह करिव ३ बजे नदीमा पल्टिँदा उदयपुरको त्रियुगा नगरपालिका–६ का ५४ बर्षीय रामबहादुर गुरुङको मृत्यु भएको हो ।
र्याफ्टिङ वोट पल्टिँदा नदीमा डुबेर गुरुङ गंभीर घाईते भएका थिए । उनलाई उपचारका लागि धरान स्थित वीपी कोईराला स्वास्थ्य बिज्ञान प्रतिष्ठान पुर्याईएको थियो । उपचारकै क्रममा साँझ करिव ६ बजे गुरुङको मृत्यु भएको धनकुटाका प्रहरी प्रमुख सुरेन्द्रबहादुर गुरुङले जानकारी दिए ।
सेतु एड्भान्चरद्वारा सञ्चालित र्याफ्टिङमा ८ जना सवार थिए । र्याफ्टिङ वोट पल्टिँदा नदीमा डुबेका अन्यलाई सकुसल उद्धार गरिएको छ ।
